| 杰雯's profile☜♥☞Princess D梦幻城堡☜♥☞PhotosBlogLists |  Tools  Help |
|
May 31 一周年纪念我嘅SPACE唔经唔觉已经开咗365日啦!开头谂住将佢改头换面,扮到靓靓仔仔咁过周年志庆,连蓝图都谂好添嘎啦,不过呢几日出奇哋忙,唯有将个计划搁置一阵(希望呢一阵係<365日啦!)
啱啱开始一篇一篇咁睇翻呢一年里面嘅BLOG,先发现自己原来变懒咗,原本一两日就会更新一次,后来变到两个星期先一次!不过谂返起今日睇嘅一本关于两性关系嘅书,其中一段係:"写幸福的事,女人缺乏动力,每次写完'今天我很开心'这几个字后,就再也写不下去了.这一点被文学史证明,女人的创作灵感和女人的日记灵感一样,都是在痛苦忧郁的时候才有的,一高兴她们就忘了,或者说,失语了!"咁我係咪可以由此推论--我嘅SPACE更新速度缓慢与我嘅懒性冇关,而係因为佢与我嘅幸福指数成反比呢?我係因为太开心啦所以冇灵感写BLOG?嗯~~很合情合理嘅推论哦!
今日仲係端午节啵~~不过最近嘅龙舟水实在太可恶了~~破坏咗我好多次嘅出游!但係我呢个星期好多节目啊,希望"生哥"快D出嚟啦~~唔好再"暴乳"啦!
May 21 CHE JU DO --济洲岛虽然"韩潮"袭广已经好多年,但係我去过嘅韩国餐厅真係寥寥无几!一来我唔係太钟意韩菜嘅"重口味",二来可能我帮衬过嘅几间韩国料理都唔係太正宗呱?(尤其係嗰间金大庄,去过几次之后真係对韩国料理几失望吓~~)
上个星期识咗位"남한",今日佢带咗我去一间全广州最正宗(佢话)嘅韩国餐厅--济洲岛!哦,即係宜安嗰间啊~~我谂钟意觅食嘅朋友仔都钟意喺建设六马路附近"搵食",呢度多外国人,所以呢边嘅餐厅都会相对比较正宗!
久仰呢间"济洲岛"嘅大名,因为呢度嘅招牌"韩国宫廷宴席"好出名--贵!大概三千几一餐正宗宫廷宴--OH,MY GOD!+多少少我可以参加韩国四天豪华团了!
我谂韩国菜係全世界最多前菜嘅料理了呱--食一餐饭居然有15份前菜--如果+碗"PA"我谂已经可以塞饱我了!我仲未试匀所有前菜,主菜已经上嚟了--"쇠고기는"(牛肉烧烤)--将烧好嘅牛肉酱放喺生菜上面+少少豆酱等(其实有成5种酱,不过我净係认得豆酱,其他我真係叫唔出名)--"극단적으로 섬세함(参 BA C SI MI DA)"--牛肉爱好者一定要试吓呢样啊!仲有大酱汤、人参鸡汤、"HAN PU JIN"(大概係韩式海鲜煎蛋呱?ERIC好认真喺度介绍嘅时候我好认真咁喺度食紧,以至净係记得个读音)
 为咗掩饰我嘅喂食,我好努力咁同ERIC大谈黄禹锡教授啦中韩文化差异啦=听起身比较"有深度"嘅话题,不过由佢笑住咁让晒份"쇠고기는"俾我嘅动作嚟睇,我谂佢都係已经识穿咗我嘅"转移"了!
May 05 职业烂赌团III
因为上次冇入赌场俾老豆笑未去过MACAU,今次就专门组个“赌”仔团,横扫三大赌场!雄心壮志咁希望赢只手袋仔返嚟~~点知居然同前年我喺戏院闹到翻屋企嘅闷到呕电嘅嗰出<喜马拉雅星>里面郑中基嘅下场差唔多,"输钱皆因赢钱起",果然係真理!过咗几百万俾杨生之后,我决定砍手指戒赌,可惜去到金莎又忍唔住"趣趣哋"玩两手,点知~~连开9铺细啊~~拍戏咩?!睇嚟今日都係冇乜狗S运嘎啦,买两盒杏仁饼罢啦!(唔记得讲:MACAU嘅双皮奶好好味啊,超浓奶味,冇GZ咁甜,今次都係冇去食五粒星嘅猪扒包,不过食咗餐葡国菜,炭烧猪颈肉好味,烧鸡醸饭麻麻,其他味道一般不过好抵食)
放低咗原本就唔多嘅水脚之后,我哋就搭船过HK啦!今次嘅酒店好就脚--喺金巴利道啊~~YEAH~~仲俾我哋搵到酒店附近嗰间好多明星帮衬过嘅超正五粒星嘅炭烧猪颈肉芝士粉添!巧美味啊~
同埋估唔多五一居然咁少人,少过平时星期六日好多啊,过关超快!连海洋公园迪士尼都唔使排队!连原本天气预报话连落三日嘅暴雨都净係夜晚嚟咗几嘢!唔通真係破财挡灾?
今次最大嘅收获就係买咗只搵咗好耐后尾要过海先买到嘅DVD(OH~~I LOVE HMV!)同埋睇咗靓汤套Mission Impossible III(首映嗰日ﾟﾟ(｡￫‿￩｡)✿)~~靓仔同埋好睇过M:I II好多啊~~
好啦`~我要抖吓啦`~残样係唔适宜参+同学聚会嘎! |
||||||||
|
|
