| 杰雯's profile☜♥☞Princess D梦幻城堡☜♥☞PhotosBlogLists |  Tools  Help |
|
June 24 6月24日最快乐讲起身真係惭愧,IKEA天河店开咗成年,我都未去过!次次话去话去,但係最尾都变咗其他节目!咁又係~~逛IKEA嘅伴侣係要经过细心挑选嘎嘛!
今日约咗妈咪行街,点知老豆突然兴起做车夫!今日好似唔係母亲节喎?!
原本斋逛天河城,因为我嘅提议所以先杀去IKEA!妈咪似乎唔太欣赏蚊型家私,行咗一阵就话走了,所以净係入咗D杯杯碟碟等湿星嘢!反而喺地毯区最有收获,发觉原来我同老豆嘅TASTE先係最一致!
逛天河城嘅时候老豆S叫我去陪00行街,唔好阻住佢同妈咪!哼~~!唔怪得咁好S做C机啦!原来~~我识做嘎啦~~转场!
今日睇报纸话专门研究季节性情绪失调心理学嘅克里夫·阿诺尔教授通过计算室外活动、自然、社会互动、儿童期关于夏天嘅愉快回忆、温度以及对假日嘅期待呢六个变量,发现原来6月23日是一年中最快乐嘅一日.
但係PD教授后来更正:原来6月24日先係最快乐嘅一日啊!
P.S凤凰城嘅泳池终于开埋夜晚,等阵同阿WING去游水兼桑拿~~然后慢慢等英姿搭车过嚟陪我玩!
遇见来自星球代号707嘅外太空生物忍咗佢两个星期,终于忍唔落去,炒咗一大锅!晓琳话:"都忍咗两个星期啦,净返嗰廿分钟都忍唔落去?"
"歹势!真係忍唔到!"
唔通佢D时间就係时间,我D时间就唔係时间?点解一句"你忙"就可以咩都推晒俾我做,我做完之后仲要睇你面色?
虽然平时我嘅忍耐力大概得0.1,但係我自问对陌生人嘅忍耐能力係高于我平均忍耐指数好多嘎!但係~~我真係顶唔顺佢!直头沟通唔到!佢令我谂翻起娟娟--全市政嘅人都识嗰个造价2班嘅"传奇"人物!记得当年我都曾经因为佢整喊我哋班一个女仔而同佢大吵一场!依家谂返起佢哋D性格真係好似!强烈怀疑佢哋都係来自同一个星球嘅外太空生物,难怪我同佢哋沟通唔到!唔该~~快D离开地球,翻返去属于你哋嘅707星球啦!
June 16 孖生基因前两日同妈咪吹吹吓水,佢突然问我:"你係咪喉咙发炎啊?"
----"你点知嘅???????"
事关我只係早上起身觉得喉咙有小小唔舒服,PA咗粒润喉糖已经觉得冇事啦!点解你会知嘅?????
佢懒叻咁笑咗笑(莫非佢係随口嗡嘅?),跟住叫我记得睇医生~~
当日下昼,罗医生确诊我係喉咙发炎,仲係严重到要即刻吊针嗰只!佢话我喉咙红肿兼有白点~~哇~~咁恐怖??点解我一D都唔觉得痛嘅?如果咁严重嘎话应该饮水都痛嘎喎,冇理由要妈咪提我先知嘎?我将我喉咙发炎被发现过程话俾罗医生听嘅时候,佢用一种"你当我傻嘎?!"嘅表情望住我,然后威胁:再讲大话--吊针DOUBLE!
为咗我嘅手背,我啃咗"讲大话"呢只死猫!不过妈咪究竟係点发现我喉咙发炎就成为咗一个谜了!
今日,我开始怀疑我嘅喉咙同肠胃係存在"孖生基因"嘅!事关过咗两日喉咙发炎但係唔痛嘅日子后,我肠胃开始唔舒服!我承认我寻日夜晚係食得比较杂:四点食咗碟妈咪爱心意粉,六点同C父C母食晚饭,九点同晓琳姐姐消夜!但係平时都係咁嘎啦~~点解今次先有事???
P.S同晓琳去消夜个时候撞到杨洋同大姨妈~~撞完傻仔旭又到杨洋~~唔通撞人都有孖生基因?
篇嘢係15号写低嘎啦`~之前以为自己发咗,今日先知原来按咗草稿~~喉咙发炎事件发展到今日变咗晓琳姐姐病咗~~喉咙痛应该冇得传染呱? June 11 饱到要玩大惩罚嚟消灭台上嘅食物前文再续就书接上一回!
啱啱讲到我咁开心重装系统,梗係要贺一贺佢啦!唱K~~行街~~自助餐!
都唔记得有几耐冇去过食太郎啦,因为觉得食BUFFECT始终人多先好玩!因为好少好似今晚咁齐人~~所以~~今晚擦餐劲嘅!
虽然食太郎嘅三文鱼唔再任拧,唔再厚身!不过今晚依然食得好开心~~玩大惩罚嗰时我输得最少~~全身而退! 重装唔知係咪心理暗示,一直觉得重装係一项极其艰巨困难嘅任务,凭我个人力量係无法完成嘅!况且我係一个好按照自己习惯做事嘅人,所以如果唔係系统崩溃之类,我係"唔重装党"嘅中坚支持者!
可惜,寻日,重装系统嘅任务落咗喺我身上!顺便一提:我依家所讲嘅重装唔係GHOST喎~~真係重装啊!要用好耐好耐时间坐到发霉先装好嗰只啊!你话几折磨!!我唔想喺度重申我嘅电脑水平白痴到咩程度,反正就係嗰啲重装当食生菜嘅人无法想象嘎啦!
但係~~我竟然可以凭自己嘅力量(呃~~同埋只碟~~呃~~同埋我爸爸妈妈阿靓嘅支持~~呃~~同埋~~),总之,我终于自己装好咗个系统啦!唔该俾个MIC我公告天下啦!哈哈~~突然庆幸自己以前冇学过重装,唔係依家唔会咁有成功感!而且如果以前学过嘎话始终会有人哋嘅影子,会依照人哋嘅习惯嚟安装自己嘅系统!唔啱占有欲咁强嘅我`~係咪?
June 08 坏习惯虽然衰过一次,但係依然改唔到将D重要嘢摆喺桌面或者我的文档嘅坏习惯!鬼叫部机平时咁靓仔,点知个硬盘原来有成18个"坏道"嘎喎!平时好人好姐话SHORT就SHORT,连小小保存嘅时间都唔俾我!呜呜~~为咗嗰10MB好重要嘅数据,嘥咗我成日!不过今日喺电脑城个数据修复中心居然俾我撞到傻仔旭,哇~~佢嗌我嗰时真係吓咗跳啊`~我哋成一年冇见啦!(虽然佢个样冇变~~呵呵)!佢又係拧公司个硬盘嚟修复~~不过佢就惨D,整咗两个月都未搞掂,我好好彩啊~~下昼两点几嗰时已经修复好D数据啦!(原来修复数据仲贵过新买嗰个新硬盘,好彩唔使我俾啫)!同埋好彩有傻仔旭陪同,所以时间都过得好快~~番茄番茄!!
June 07 八十大寿阿靓嘅八十大寿,今年连姑妈都赶返嚟庆祝~~如果洪力冇去欧洲流浪做背包族嘎話今年真係大大大团圆啊!原本有超多嘢想写低~~不过都係当面同阿靓讲实际D!所以呢度就省略三千字啦!靓靓`~你会明嘅呵?听日仲係阿WING高考嘅大日子~~"+U+U"!!!等你考完我又有假嘎话一齐去旅游啦!我好耐冇去玩啦~~>3<~~
呢排超LUCKY~~大幸运中!所以每日情绪都超高涨啊!(兼晚晚瞓唔着,嘻嘻)不过啱啱写完篇加长版"报告"之后~~居然好似食咗安眠药咁攰了~~瞓!!! |
|
|
