| 杰雯's profile☜♥☞Princess D梦幻城堡☜♥☞PhotosBlogLists |  Tools  Help |
|
September 15 9.08 06:00AM~9.13 00:00AM
四川五日大暴走 GO! 飞越1500公里,我终于到达天堂! 记得大一嘅时候,我喺黄密宿舍做得最多嘅事就係睇相~~佢喺九寨沟影嘅相!湛蓝嘅湖水,靓到就好似PS出嚟嘅咁!完全唔可以用言语形容嘅美丽,好似唔属于人间嘅仙境! 一直以来,上网睇到嘅九寨图片~~亲戚去九寨返嚟嘅相~~可人喺九寨影嘅婚纱相~~每次睇完都暗暗决定:一定要去一次,亲眼望吓嗰片唔属于人间嘅湛蓝! 恨咗好耐,终于呢个月可以完我嘅四川梦了! 我哋嘅第一站係去黄龙~~因为之前去过云南嘅玉龙雪山,谂住大家海拔都係4900米,所以觉得应该冇问题!点知~~原来係我太天真了!之前上网查过黄龙嘅温度,上到去先知道原来比我想象中仲要冻!全靠其他团友借衫俾我哋~我哋呢两只贪靓鬼先冇冻亲!虽然可以坐缆车上去,但係由缆车到争艳池要行差唔多两公里嘎~~要睇靓景真係要付出代价!不过见到争艳池嘅一刹那~~真係咩都值得!奶蓝色同翠绿色嘅钙华池呈梯田状排列,大小不一,错落有致,池水波平如镜!我斋喺争艳池都影咗差唔多两个钟头嘅相,搞到后尾得返半粒钟落山~~嗰时仲谂住够啦(因为搭缆车上嚟先用咗3分钟之嘛)~~点知原来落山嘅缆车喺另外一个方向~~所以唯有硬着头皮冲落山啦!原本90分钟嘅路程我同晓琳45分钟就冲咗落去~~唉~~就咁赖嘢了!明知道喺海拔咁高嘅地方好容易有高原反应,亦都知道应该尽量行动缓慢~~不过真係冇时间啦!离开黄龙嘅时候都冇咩嘢,跟住坐车去九寨沟~~喺离九寨沟沟口仲有10分钟嘅时候,由于车内嘅呕声一直此起彼落(原来大家都差唔多,哈哈),再加上到咗九寨18弯,司机一路喺度扮拓海玩漂移~~我终于晚哲不保,成为全车最后一个呕吐者!唉~~真失礼!
第二日清晨,我哋就向四川之旅嘅第二站,亦都係本次旅游嘅重点站—九寨沟出发啦!哇~~再一次感受到我哋中国真係好多人呀!平时睇D相都係D靓景~~殊不知原来靓景嘅背后係咁人头汹涌嘎~~直头可以媲美我哋GZ嘅状元坊!睇嚟被九寨沟嘅美色吸引嘅人唔止我一个喎!九寨沟係一个发展得非常之成熟嘅旅游地区了,区内全部以环保车代步,总体分为三条线:树正沟,日则沟同埋则查洼沟!喺地图上三条线呈Y字型,由门口出发沿着树正沟向诺日朗中心出发~~首先见到嘅係宝镜岩,传说宝镜岩表面有12生肖,如果可以一眼就望到自己生肖嘎话全年都会有好运嘎~~虽然只得一分钟都唔够嘅时间(因为係坐车经过),但係我都可以一眼搵到嗰只肥肥白白嘅猪呀!由于有一整日时间喺九寨沟里面,所以我哋决定上午游日则沟,下午游则查洼沟!沟内嘅美景我实在唔识用文字嚟表达(省略三千字)~~唯有狂影特影啦~~哈哈!今次去四川一共影咗六百几张相,拣相嚟晒都拣到手软呀!
如果再有机会嚟四川,我一定会拣自由行,喺九寨沟住三晚~~因为九寨沟嘅美景得一日欣赏真係好唔够啊!今次四川之旅唯一嘅遗憾就係嚟得太早了~~我应该等多一个月~~等到树叶全部变成火红!
http://photo.163.com/photos/princessdorisfan/ August 06 The sixth记得两年前买了第一对高踭鞋,嗰阵兴冲冲哋每日着住佢”DD哒哒”,即使嗰4cm高踭磨到我”伊亚鬼叫”也在所不理. 两年后嘅今日,买下了我嘅第六对高踭鞋—果然”高踭鞋真係会买上瘾嘎”!试过了8cm高踭后,新入嘅3cm便舒服得像平踭鞋一样了.而且超钟意啊~~Fiorucci嘅新货—水手风格嘅超可爱超速配圆头鞋,特别係鞋头蝴蝶结上面扣住嘅闪灵灵嘅”锚”~~绝对係一见钟情款啊!虽然价钱不太可爱,不过多得电话那头嗰位可以获颁”最善解人意”大奖嘅Mr.fan~~还是BUY下来了!YEAH~~ 今次血拼又大出血啦~~不过每样嘢都超钟意呀~~好耐冇买嘢买得咁开心啰!同晓琳一样买到净返餐饭钱先收手呀!而且行街嘅时候居然三四次咁被路人拦下来问孭住嘅LACE藤篮喺边度买嘎添,嘻嘻~~THANKS~~BAOBAO! 申报期呢排做到SS吓,而且今日起Mr.fan正式调上分局了.闷得我~~佢居然”走”得快过我!不过佢有得”扎”我都好邓佢开心嘅!我都要加油努力向佢学习啊! 今晚嘅晚餐之一係南瓜酱伴牛柳~~好好味呀~~连我呢个劲憎食南瓜嘅人都猛叫:YAMMY~~秦太我真係要向致敬啊!今晚开始每晚都要同阿WING去游水~~练好D肺活量~~费事九月去到九寨沟又高原反应! July 20 one~another之前连咗半年基本都係S机下场
居然今日一起身就上到
仲终于写下了半年来唯一一篇BLOG
其实我想澄清嘅係:我唔係懒呀!
大约两星期前
同个纳税人倾倾吓偈
突然有种"如果我都有好似佢咁放弃份工去进修嘅勇气就好了"嘅谂法
如果可以俾一年时间我进修
我会好努力哋学我放弃了半年的未学好的日文!
心想力行
开始上网找学校~问考级事宜~咨询学成出路~工作性质~
然后又好好彩哋当我和我嘅同事喺倾偈嘅时候
被另一位纳税人搭讪:边间边间好呀
一睇个税务登记证:原来係个知名外语培训中心呀
当然佢哋呢啲专门为外企培训的中心不会收我这种散客
但佢仲係好热心哋打电话俾佢哋中心嘅日语老师非常仔细哋回答我全部问题
并留下电话俾我随时做咨询
如果我话我觉得有种命中注定嘅感觉会唔会太夸张?
但如果唔係嘅话怎会学我同事话斋"喺我需要咨询嘅时候总会出现知道答案嘅人"呢?
仲有其他热心嘅同事会介绍佢哋做紧日语行业嘅朋友我识呢!
虽然我D&M唔係好赞成
佢哋觉得好多人不知几羡慕我份工咁他条舒服
但这唔係我想要嘅呢!
好彩MR.FAN同"奶奶"(未来)好支持好赞成
奶奶仲话:好多人通常都係抱住骑牛搵马嘅态度做嘢,
当骑吓骑吓嘅时候好容易就会有安于现状嘅心态--
起码骑牛都比行路强呀
然后就过住得过且过嘅日子
佢话好开心我会有改变现状的勇气
亦希望我有冒住可能会失去好多意想不到嘅嘢的决心同毅力去达成自己的目标!
知道我D&M唔赞成但因为见我决心已下而同意时
佢亦都会打电话表示佢有几"撑"我!
寻日
我递上辞职信
大概一个月后我就会离开我的岗位
走上另外一条路了
我谂我会时时想念税局嘅蛋撻 炒面 烧鸡 红糖糕 黑芝麻馒头(排名不分先后)==
仲有SUKI 丹丹 花明 小郑 支局(排名不分先后II)==
当然仲有我嘅MR.FAN啦!
这一年我还是赚到很多的
那位纳税人或者不会相信
嗰短短几分钟
就将我人生的方向改变了
要+U啦!
为了自己&关心我嘅人(S)
February 16 过新年January 20 涨呢排涨咗
我讲紧我嘅身材!
年尾特别多饭局
不过估唔到过年前一个月已经开始食
中午食完到依家
身心仲处于"滞"嘅状态
人哋话呻饥莫呻饱
咁我呻滞
会唔会更加节堕?
妈咪已经催我买衫过年了
但係以我体重嘅上升指数嚟睇
今年嘅新衫要订做先得了
原本PLAN好2月头去海南岛玩嘎
点知就嚟报名嘅时候
我有个喺海南岛住咗年几兼啱啱喺嗰度渡完HONEY MOON嘅同事同我讲
依家海南岛得十几度(水面)咋
点潜水啊?
晕~~
乜原来海南岛都会冻嘎?
我不嬲都以为海南岛同泰国啊马尔代夫啊巴厘岛啊夏威夷啊嗰啲热带岛屿一样
常年可以游水潜水同埋扮咸鱼晒太阳嘎添
原来係我自己嘅地理知识水平有限
误会咗佢添!
冇办法啦
唯有继续留喺寒冷嘅GZ
做一只肥肥白白
一餐饱到可以打三个嗝嘅猪啦!
December 25 Merry Christmas超SWEET嘅CHRISTMAS' TRIP
间酒店好靓啊~~
总统套房就住唔起啦
成四皮嘢,留返HONEY MOON先啦
降一个LEVEL住豪华行政套房都一样咁开心
揽住你睇大型烟花汇演
食圣诞大餐
`````
真係超冧啊
而且最紧要係可以同你一齐过圣诞!
美中不足嘅係节假日火车成日晚点
下次都係自己揸车去啦!
仲有啊~~
07年嘅元旦我哋就一百日啦!
之前同你勾过手指尾07年嘅三次旅行
我会努力嘎啦
好耐都冇去过旅行啦!(唔搭飞机嘅唔算!)
1月份亦都係第一次嘅旅行我一定会安排得好好嘎啦
以后嘅旅程都顺风顺水啊!
night night~~
December 22 如果等待嘅时间可以缩短D,一齐嘅时间可以延长D,就好了如果CHRISTMAS EVE快D到就好啦
呢个星期先开始计划嗰晚嘅节目真係失策
因为估唔到可以喺外边过夜
而且CHRISTMAS嗰日仲係星期一添
点知突然请到假
虽然开头谂好嘅节目冇得实施
因为我哋真係计划得太迟了
失望ing嘅时候
居然又有新嘅好节目
温泉TRIP就留返1月份再去过啦
热切期待嗰晚嘅农庄游
同埋第一次介绍你俾我D老S识
紧张~~期待~~
December 10 好耐冇发~~寻晚係我表叔结婚
佢除咗係我表叔之外
仲有另外一个身份
就係我初中嘅班主任啦!
所以寻晚唔单止係个婚礼
仲係个小型同学聚会添
好耐冇见班同学仔啦~~
所以开心得滞饮大咗
又红又白
咁大个女都未试过饮咁多
老豆车翻我出GZ
结果呕到佢成车都係
隐约听到佢同妈咪讲
"个女真係冇好带协啊"
又听到佢同我讲
"下次唔好饮咁多啦,伤胃伤肝呀"
嘻嘻~~歹势!
上到的士(去MR.FAN屋企)
又呕乌糟人哋部车
虽然俾咗洗车费人哋
但係都超级过意唔去啊
MR.FAN见到我咁醉
即时落咗禁止令
以后唔俾饮酒
呜呜~~唔好啦~~
不过佢讲翻我寻晚饮醉之后讲嗰啲嘢
我觉得好好笑啵
估唔到我饮大咗都仲咁多辩驳啊
不过嗰啲全部都係我嘅真心话嚟嘎
(虽然如果唔係你今日讲起我都唔记得我讲过D咁嘅嘢)
寻晚饮喜酒嗰时俾四叔话我有异性冇人性
拍拖之后礼拜日就冇咗影
于是我今日出席咗一星期一度嘅FAMILY DAY饭局
(不过冇携眷嘎啵,因为佢要OT啊)
November 13 周末摔角大狂热今日係牙仔复诊日
所以唔使返学唔使返工
全日都可以同你喺埋一齐
我係嗰啲好怕好怕去见牙医嘅人
因为斋听到D电钻声已经起晒鸡皮
你知道我惊所以专登休假陪我
因为预约喺下昼
所以上昼你带咗我去金田中
又去食雪糕
因为你知道睇完牙仔之后我咩都唔食得
睇牙真係好痛
不过因为知道你喺出面等紧我所以我冇喊到
我出嚟之后你好温柔好温柔咁问我"係咪好痛呀?"
然后拖住我只手陪我散步
嘻嘻~~其实我已经唔痛嘎啦
不过因为超钟意见到你紧张我嘅表情
所以诈吓你娇咋!
虽然因为你临时要OT
所以冇得同你食晚饭
不过唔紧要啦
横掂我八点前都唔可以食任何嘢
而且因为寻日个摔角赛
我依家仲係觉得成身散晒啊
今晚要早D早D早D瞓了~~
October 23 牛一多谢发SMS同埋打电话俾我嘅全体仝人
包括我D老死们.好鬼耐冇联络嘅Fs同埋Mr.Fan嘅死党伉俪们
特别鸣谢A724嘅劲Sweet生日蛋糕同埋K.F.S嘅23朵花花
当然最最最令我感动嘅係Mr.Fan可以同我一齐过生日啦!
嗰日税局有活动
我仲谂S今年生日冇得一齐过添
点知你参加完活动之后掉低个饭局专登搭车返嚟陪我过生日
我真係觉得好冧呀!
今年收到好多生日礼物,好多祝福~~
同埋因为有你陪我
所以名副其实
真係一个
HAPPY BIRTHDAY呀!
September 23 纪念日 多谢嗰D睇完我SPACE会即刻打电话俾我或者留言俾我祝福我嘅人
其实就算係依家
我都有种飘飘然嘅感觉
甚至唔相信自己会好彩成咁
包同我讲要相信
我谂我知道点做嘎啦
今次去旅游嘅事,一齐嘅事,以后嘅事
留返听日得闲嗰时再写
因为应承咗你要早瞓
---------------------------------------------------------------------------
呢排好好彩
入咗税局两个月
去咗两次旅行
虽然今次冇上次70几人咁大阵仗
净係得大厅嘅人有得去
但係因为今次有你
所以玩得特别开心
第一次同你去旅行
第一次同你手拖手
我哋就咁开始咗~
一个星期了
开头我以为我哋两个性格咁唔同
会好多摩擦
但係我哋从来未闹过交
估唔到我哋之间会咁有默契
如果唔係每次拖你只手会紧张到出汗
同你讲嘢嗰时心跳加速得咁厉害
我仲以为我哋已经喺埋一齐好耐添!
见过你好多Friends
迟D仲会见埋你屋企人
发展得咁快真係令我开心得嚟又好紧张啊!!!
September 17 最近好耐都冇更新到呢个SPACE
一来因为CTAIS系统上线前都好忙,唔得闲
二来挂住搞个新SPACE,冇时间两边走
其实最近真係觉得自己好幸福
之前都讲过
幸福嘅时候总係写唔出好嘢
总係会觉得写出嚟好似喺度晒幸福咁
幸福唔可以晒嘎嘛
而且当我好幸福嘅时候我就会好惊
好似依家咁
好怕个天会突然间没收晒我D幸福
记得有人同我讲过人生四大元素係家庭.朋友.事业同埋爱情
呢四样嘢係每个人一生嘅追求,并且占据每个人嘅一生
家庭:我有好撑我嘅屋企人,依家每个礼拜日嘅Family Day会令我觉得好Warm好有归属感.
好钟意成家人一齐食饭同埋坐喺阳台吹水,上上个礼拜我哋仲提前赏月食月饼添
朋友:我有班好老S嘅S党,开心唔开心都可以同佢哋分享!
呢排身边嘅人更係喜事连连:包包嘅终身大C,C父C母嘅订婚,Aquila又蜜运ing``````
连我都开心埋一份
事业:我本来就唔係事业心重嘅女仔
所以搵到呢份同事好好相处,做得好开心嘅工对我嚟讲已经好足够了
爱情:虽然我觉得我已经拥有咗一生人里面最重要嘅3/4,但係偏偏缺少嘅呢1/4
令我觉得人生好似一煲冇落盐嘅汤咁
少咗D"鲜味"
我承认我有D"怕草绳"
到咗依家
我都係唔敢踏出第一步
当你叫我信任你嘅时候
我心里面係好想应承嘎
但係脑里面就会有把声
叫我Calm Down
定係其实我应该咩都唔好谂
顺其自然呢?
不过点都好
你对我嘅好
我係睇得好清楚嘎
多谢你!
August 10 遇上原本谂住等到感觉沉淀,再将佢写落嚟!
但係过咗一个礼拜啦,劲开心嘅一个礼拜,仲係会不自觉咁傻笑!
我一定係中毒了!
开咗个新嘅SPACE,记录新嘅心情!
虽然对于以后,仲有好多唔明确嘅因素!
亦都唔知道,我哋,究竟有冇机会成为我哋!
不过,仲係好感激,遇上你!
July 18 天堂与地狱一楼
1.对外办公 2.要早到、唔得迟到早退 3.好多领导及到实 4.冇得上网冇得倾偈 5.冇得偷懒 6.D制服好肉酸
二楼 1.后台处理 2.可以迟到早退、只要唔超过半粒钟就得啦 3.全部都係自己人，啱嘴型多嘢倾 4.得闲仲可以上吓网吹吓水 5.做唔够1粒钟就会有人叫你“抖吓啦” 6.D制服相对好睇D
其实我冇乜事业心嘎咋~~学唔学到嘢升唔升到职加唔加到人工都冇所谓嘎!千其千其千其唔好调我落去啊!拜托!
July 17 遥望礼拜六日嘅礼拜一"我们喜欢创造一些东西，然后恨它。
比方说：“星期一”。星期一，假日结束，上学上工上班。
我们自己创造了星期一，然后，我们好好地恨它。" 因为平时做嘢辛苦(?),所以好努力咁将礼拜六日塞满~~然后~~慢慢数着日子迎接佢哋嘅到来! July 13 PD とお呼びJuly 01 嗡吓嗡吓1.一早起身,把镜砌起来,贴上我喜欢的贴纸,很有PD嘅感觉!双面镜--一边係正常嘅镜面,一边係放大嘅镜面!可以让我更加清楚咁观看我嘅毛孔!如果我话我每日用一粒钟嚟观察我嘅毛孔,你会觉得我很有研究精神定係感觉很变态? 2.唔知点解近来每次喺屋企休息嗰日中午一定倾盆大雨!知我下昼要出街所以落定先?呢几日都睇唔到木木老师嘅见字如晤~~唔通个专栏俾人撤咗?彭浩翔导演嗰个又唔係日日出喎~~ 3.今日搭车嗰时见到个好大(年纪)嘅"女仔"食紧块好大(成块手掌咁)嘅波板糖!突然好佩服佢嘅勇气!手掌咁大嘎喎~~就算係我小学爱糖如命嘅时候都要分几次先"噍"得晒啊! 4.多谢明仔!你真係一个好得闲嘅好人!同埋好似葡萄牙20号DECO(咁算唔算赞呢?) 5.呢几晚嘅天空特别晴朗!赶紧返屋企嘅途中都忍唔住抬头望咗几分钟个星空!D星多到有<大停电之夜>嘅感觉!唔知我对住许愿嗰粒会唔会係"X00639"呢? 6.赶到返屋企嘅时候德国VS阿根廷上半场已经打到38分钟啦!好彩仲係0比0!下半场一开波虽然阿根廷即刻领先1比0,可惜阿根廷个教练用保守策略啦,临完场廿分钟嗰时又用晒D换人QUOTA,最尾8分钟俾德国追平,加时都冇用!要踢12码分胜负~~阿根廷踢12码边够德国挥喎!可怜我个喉咙~~大概要到7月10号之后先好得返了! June 24 6月24日最快乐讲起身真係惭愧,IKEA天河店开咗成年,我都未去过!次次话去话去,但係最尾都变咗其他节目!咁又係~~逛IKEA嘅伴侣係要经过细心挑选嘎嘛!
今日约咗妈咪行街,点知老豆突然兴起做车夫!今日好似唔係母亲节喎?!
原本斋逛天河城,因为我嘅提议所以先杀去IKEA!妈咪似乎唔太欣赏蚊型家私,行咗一阵就话走了,所以净係入咗D杯杯碟碟等湿星嘢!反而喺地毯区最有收获,发觉原来我同老豆嘅TASTE先係最一致!
逛天河城嘅时候老豆S叫我去陪00行街,唔好阻住佢同妈咪!哼~~!唔怪得咁好S做C机啦!原来~~我识做嘎啦~~转场!
今日睇报纸话专门研究季节性情绪失调心理学嘅克里夫·阿诺尔教授通过计算室外活动、自然、社会互动、儿童期关于夏天嘅愉快回忆、温度以及对假日嘅期待呢六个变量,发现原来6月23日是一年中最快乐嘅一日.
但係PD教授后来更正:原来6月24日先係最快乐嘅一日啊!
P.S凤凰城嘅泳池终于开埋夜晚,等阵同阿WING去游水兼桑拿~~然后慢慢等英姿搭车过嚟陪我玩!
遇见来自星球代号707嘅外太空生物忍咗佢两个星期,终于忍唔落去,炒咗一大锅!晓琳话:"都忍咗两个星期啦,净返嗰廿分钟都忍唔落去?"
"歹势!真係忍唔到!"
唔通佢D时间就係时间,我D时间就唔係时间?点解一句"你忙"就可以咩都推晒俾我做,我做完之后仲要睇你面色?
虽然平时我嘅忍耐力大概得0.1,但係我自问对陌生人嘅忍耐能力係高于我平均忍耐指数好多嘎!但係~~我真係顶唔顺佢!直头沟通唔到!佢令我谂翻起娟娟--全市政嘅人都识嗰个造价2班嘅"传奇"人物!记得当年我都曾经因为佢整喊我哋班一个女仔而同佢大吵一场!依家谂返起佢哋D性格真係好似!强烈怀疑佢哋都係来自同一个星球嘅外太空生物,难怪我同佢哋沟通唔到!唔该~~快D离开地球,翻返去属于你哋嘅707星球啦!
|
|
|
